歐陽靖 - 1997

作曲 : Allen Sung, Kevin Nishimura, James Roh, Jae Choung and Stefon Taylor
作詞 : Jin
編曲 : Kevin Nishimura, James Roh, Jae Choung aka Far*East Movement
監製 : Kevin Nishimura, James Roh, Jae Choung aka Far*East Movement

我雖然喺美國出世啊 un huh
但我都係仍然咁掛住香港 check it out yo
我記得以前細個聽啲大人講　九七之前一定要離開香港
我根本就唔識所以無意見　回歸十年後都好似無乜變
香港仍然係咁好　我返親去個感受都真係好似解釋唔到
一落機　就痴痴呆呆　好似時光倒流　回到未來
我已經變返小朋友　放暑假探緊我外婆拖住佢個手
多數喺公園吸緊新鮮空氣
如果乖　仲有得去歡樂天地
或者去商場買下玩具　行街市我不嬲都唔想去
唔使買餸都要兜翻兩個圈
啲師奶見到就話　啊　你個孫啊
無錯　個孫就係我　眨下眼我都已經咁大個
香港就仍然咁大　除咗新機場　連迪士尼都起埋
唔知我老豆細個移民去美國　想當年
有啲乜野感覺　點都係中國人　就當係度假
離開個國家都飛唔出個手指罅
唐人戲　唐人報紙　唐人街
唐人需要嘅全部都有齊晒
2006最新嘅報告　老實講我真係發夢都估唔到
我有呢個機會同大家分享　我啲經歷　我間中都睇翻啲相
我第一次返香港做Show　刺激過做過山車唔理佢幾高
我已經算係執到金　我淨係想你知　我 Rap親都係用個心
除咗咁 I don’t know what else to say
我好開心我今日終於翻到屋企
so get ready get ready get ready
JIN：拿　老豆講開又講啦　其實　你幾時唻美國架姐
DAD：1971年啦,我諗係咁上下啦　
JIN：咁上下啊　你　你記得香港乜嘢呢
DAD：我地果個年代十四五歲　都記得好多野嘅　不過唔同你地依家啦,
香港咁發達, 其實我都好掛住嘅　果個年代咧我地去啟德玩嘅　好似好濕碎嘅
JIN：咁你都可以話掛住香港啦係嗎?
DAD：梗係啦　話曬我都係香港竹昇嘛　ABC唻嘅
JIN：香港嘅ABC啊　
DAD：係啊　啊仔唔好一味咁拍我博頭啦　你問就問啦
JIN：唔係啊　咁你話晒係我老豆　我有小小壓力吖嘛
DAD：咁你拍我博頭　拍到我訪問起上來我都驚,我都有壓力架嘛
JIN：喂咁你有壓力　我都有壓力　　
DAD：我都好大壓力嘎　問啦繼續問啦　你唔好一味咁拍我博頭啦　等我
依家講到窒曬口啦,你想唔想訪問啊
JIN：想想想
DAD：你想訪問就同我講道歉先啦
JIN：OKOK　對唔住
DAD：道歉要握手先得嘎
JIN：hahahaha