MastaMic - 致警信

曲: JY
詞: MastaMic
編: JY, DJ Galaxy
監: MastaMic, DJ Galaxy
Scratch: DJ Moka

Verse 1
親愛嘅前線警察
有鑑近日觀察
你哋對付遊行示威採取嘅對策
係高壓 係打壓
係對人民自由肆意嘅踐踏
所我寫呢封信對你哋作出遣責
你哋前線警員只聽從上級
獻媚卑躬屈膝
喪失公義原則
事實你哋行動准則係按照邊種法則
我哋同警方配合
係受你哋挑釁先引致衝突
請咪再企係你嘅道德高地
籍口為法治將正義置之不理
將打壓行為都變得合理
旗號再正氣都不應違反公理
警察同市民本是同根生
點解要打壓示威遊行
將示威者當仇人
對我哋充滿仇恨
對公義點解可以不聞不問
我哋嘅警察 分唔清是非黑白
就算知道民意被政府扼殺
仍然籍口負責執法
實際係強硬打壓
唔通將反對聲音 抹殺
就係公僕嘅職責
你哋著嘅係制服 唔係官服
你哋係公僕 唔係官僕
人民公僕受嘅係人民俸祿
理應保障市民幸福
但點解你由民意被政府sik瀆
食君之祿要擔君之憂
但我眼見你眼中只有權貴要侍候
不斷壓制示威自由 表達自由
扼殺一切自由
就係為一個唔聽訴求嘅特首
件衫有64兩個字
就當恐佈份子
仲恐嚇人哋幾歲嘅女兒
咁唔通又係為維持法治
定係上級指示類似嘅例子令我髮止
公僕為人民服務
但處理示威手法越見粗暴
濔漫白色恐怖記者被拘捕
無口頭警告對8歲細路用胡椒噴霧
幾時扼殺人民聲音係警察責任
幾時鎮壓社運變成法治精神
你哋抗衡我哋嘅抗爭
警民矛盾加深
係因為你青紅皂白是非不分
我哋只想正義會被申張
公平會發生係每個人身上
所以我哋唔會害怕鷹派技倆
更加唔會害怕警察圍成嘅圍牆
一個示威者敬上