(全碟歌詞) 林海峰 - MOOV Live 2011

1.搞出嘢

作曲：陳哲廬
填詞：林海峰
編曲：陳哲廬
監製：Snowman, Swing


一早起身又唔願起身        返到公司又唔想做嘢
對住阿姐        唔想做嚟做去        都係嗰啲嘢        
成副機器        唔想日做夜做        啤啤啤 咁點呢 唉 咁點呢

越嚟越Hea 唔想越嚟越Pair 我係一條龍         唔係一條蛇
唔要等車         行快兩步去 搵吓自己要嘅嘢
搵阿星爺         飲杯熱茶咖啡        
嗲嗲嗲 我哋要搞啲嘢 Yeah 搞啲嘢

喂        出嚟飲杯嘢啦喂 圍埋傾啲嘢啦喂
一齊度啲嘢啦喂 諗吓搞啲乜嘢啦喂
一世打工似乜嘢 一於要做番啲嘢
諗啲嘢 傾啲嘢 搞啲嘢        唔想Hea

大人做嘢        夾手做壇大嘢        勇就好夠勇 唔夠水喉Fair
唯有隊啤         人醉我又醉        嘔到大家猛作嘢
搵李嘉誠夾錢去月球發展 嗲嗲嗲 我問你 喂!你嗲乜嘢 吓？ 嗲乜嘢

喂        出嚟飲杯嘢啦喂        圍埋傾啲嘢啦喂
一齊度啲嘢啦喂        諗吓搞啲乜嘢啦喂
飲到個身體傾斜 班友掛住開心Hea
諗乜嘢 傾乜嘢 搞乜嘢 Hea        Hea Hea

落翠華 上文華 相約舊同學         叫杯茶        吹水到家
大生意 咪猶豫 先集資 然後搞上市         講得夠誇

無聊騎呢旦散有乜用 就襯興奮去衝動         做個好夢發夢會成功

喂        炒埋公司個老細 圍埋一班獻獻計
搞壇大單嘢架勢 諗吓退休點嘆過世
呢舖實掂過碌庶 咁高興仲講乜嘢
飲杯嘢 飲jar嘢 飲打嘢 Yeah Yeah

喂        出嚟飲杯嘢啦喂 圍埋傾啲嘢啦喂
一齊度啲嘢啦喂 諗吓搞啲乜嘢啦喂
講過幾多幾多嘢 把口咁大吹乜嘢
一邊Hea終於會搞出嘢
Yeah Yeah Yeah





2.Yes, I Do!

作曲：陳奐仁 for the invisible men, 何秉舜 @ goomusic
填詞：林海峰
編曲：陳奐仁 for the invisible men, 何秉舜 @ goomusic
監製：陳奐仁 for the invisible men, 何秉舜 @ goomusic


我會永遠愛你　我講一次　全香港都知
個世界笑我肉麻亦堅持　全因為你　我願意

我細細個試過發奮去讀書考試
我諗住Yeah考第二 結果你咪又係睇電視
也說過要去南華學踢波
咁收尾我要出黎做嘢搵食咁咪冇咗件事
講我就威　講恆心　我輸　無計　點解　唉　我好迷

我願意　鍾意　天天改變歷史　三心兩意　無謂簽廢紙
台係咁轉　約咗實褪晏啲
我願意　鍾意　講多多我做啲　成日都變　I do

多飲清水　多睇好書　玩詠春功夫　結果呢　講好多次
咁我有第啲嘢做　譬如修身咪去踩單車　同食雪糕 HaHa
我放棄半馬競賽我邊抵錫　Yeah　我爭幾呎
似咩　你睇我似咩

我願意　鍾意　將黑紙變白紙　反轉合約　無謂交換介指
唔係講笑　我都係個騙子
如果你　鍾意　風水師嗌BB　嚟做婚宴　I do

如果你　鍾意　翻一翻我歷史 (乜都噏咪在意）
全部開頭話得　其實噏完做乜
九成全部爛尾

明知我唔可以　如果你都搏一次
承諾一次 (喂認真架) 承諾多次 (最後一次)
乘十九次 (多謝) 是我畢生大志







3.我係邊個

作曲：陳哲廬
填詞：林海峰
編曲：陳哲廬
監製：陳哲廬


又夠鐘熄燈眨眼一日過 望到天花板都裂咗
成叠影碟買咗冇睇過 我出去廳坐        坐低然後瞓低咗
就快天光囉成日點樣過 亂摷一堆衫點襯都係錯        
又夠鐘返工幹甚麼         其實想點我都有諗過
理想兩三個 結果成事有幾多        
年月一一經過 時代總拋低我
屋企裏面亂到咁行定坐
出街我又問去邊 其實我
我係邊個        不東不西這是我        
開晒燈睇清楚 我煮完麵冇熄火
連啖湯都搞禍 其實我        諗得多都有啲餓
又記得初中戀愛歡樂過        但記得真名不太多
其實拖手我拖過幾個嫁咗有一個 相片成叠儲起咗        
回望身邊一個 明白嗎         知道麼
屋企裏面 亂到咁 行定坐
出街我又問去邊 其實我 我係邊個        不東不西這是我
開晒燈 睇清楚        我煮完麵冇熄火
連啖湯都搞禍 其實我諗得多都有啲餓
悶要聽吓歌        就要聽快歌        但其實慢歌啱我
屋企裏面        亂到咁 行定坐
出街我又問去邊 其實我
我係邊個 不東不西這是我
想太多得幾多 我洗完面看清楚
全部周刊睇過 其實我 都應該相信星座





4.太空沖天反斗兵

作曲：陳奐仁 for the invisible men
填詞：林海峰
編曲：吳偉賢 For The Invisible Men
監製：陳奐仁 for the invisible men


一個人　放工八點　走進戲院裡
黑眼鏡　看他那堆想棄置玩具
主人說　沒興趣　然後分居

別了他太太　看這老翁　隱閉發展區
小破屋　要升上天　他快已入睡
七彩汽球遠去

全場沒太多觀眾　令我少顧慮
躲在黑暗裡我發現滴了眼淚水
流下在爆谷裡

眼淚說　朋友好嗎
最近有沒有再想起衝出那經濟區 聯結太空戰隊
怪物說　還有哭嗎
我就笑著答　死光槍盾牌　臂章戰機　遺失於九歲

想變身　以機械手　清潔廢紙堆
衝上天　勇敢救兵　拯救了玩具
改寫我們過去
然後送老夫妻閒日抱孫午睡
希望他有笑有眼淚
大了繼續追
明日能造架火箭飛去

眼淚說　朋友好嗎
發射塔話有更多新旅程每天探險和怪獸組戰隊
怪物說　還有哭嗎
我就笑著答　最開心帶齊汽水爆谷和卡通相對
還衝天 扮反斗 九歲






5.我要愛死方大同

作曲：方大同
填詞：林海峰
編曲：方大同, Randy Chow
監製：Edward Chan, Charles Lee


我點解會寫呢首歌 就係因為我聽太多歌 尤其係情歌
而好可惜跟本無一首可以感動倒我

迫返工　趕收工　我理髮都不理世事
修修身　沖沖身　嗱我冇再對花灑亂唱
LA LA LA LA　 LA LA LA LA LA　供車供樓我倦到無火        
LA LA LA LA　 LA LA LA LA LA　聽春風吹 春風吹不倒我

遞隻手　就算拖　沒有這種心跳聲
夜晚刻 要熄燈　直到我興奮後睡覺喪失知覺
我最怕聽冧歌每日嘲笑我
尤其是Love Song 冇乜感覺　我沒有愛愛愛

越忙越麻木越怕Love Song
越去聽我越得不到愛
我好無情　為什麼　誰會可憐我

呢首歌　三分幾　我會記得幾咁幼稚
初中篇　Josephine 陪我吃漢堡通宵點唱
LA LA LA LA　 LA LA LA LA LA　一打冷鐘散步扮拍拖
LA LA LA LA　 LA LA LA LA LA　春天冬天等她講喜歡我

遞隻手　未有拖　就有這種心跳聲
用耳聽　呼吸聲　就算只得對望就有愛的感覺
你最愛聽的歌我在心裡播
尤其是Love Song 每一粒音裡面有愛愛愛

越傻越盲目越愛Love Song
越去聽我越想得到愛
愛足全程　為什麼　誰也深情過

年少我聽情歌　阿倫情歌
抄晒歌詞才下課
跟所有親愛的海濱公園唱 情歌冧歌　wo
陪我搭巴士放學散步那一個
一起青春過　一閃身走過

我最怕聽冧歌你係都要播
尤其是Love Song 無乜感覺我沒有愛愛愛　wo
越來越麻木越怕Love Song
爛播死播係咁轟炸我　
你好無情 為什麼　還要催眠我





6.Woooh

作曲：陳奐仁 for the invisible men
填詞：林海峰
編曲：陳奐仁 for the invisible men
監製：陳奐仁 for the invisible men


Woooh Woooh
大聲嗌　起身嗌        Woooh Woooh
唔駛怕　怕醜怪        Woooh Woooh
大家嗌　無交嗌　Woooh Woooh
嘈生哂　有錢派

一開聲　集合八十力量　鬧吓鬧吓上街嗌
班推銷　又話壓力大　yeah　賣瀉藥又送青芥 yeah
全部姓賴 賴到 潘多拉 Woooh Woooh

一二嗌一嗌
死忠粉絲貴在冇得買　Woooh Woooh
聲大你啱哂
攣都即刻拗直你講哂　Woooh Woooh
傳真教　武當派　Woooh Woooh
成班嗌　有古怪

一剝衫　扮哂大偉像　為偶像派上山嗌
星光幫　用力嗌就賣　yeah　評判話你無飲奶　yeah
由電器道　鬧到　陰州街　Woooh

一二嗌一嗌
死忠粉絲貴在無得買　Woooh Woooh
聲大你啱哂
攣都即刻拗直你講哂　Woooh Woooh

大聲嗌　起身嗌        Woooh Woooh
唔駛怕　怕醜怪        Woooh Woooh
大家嗌　無交嗌　Woooh Woooh
嘈生哂　有錢派

一起翻山　一起倒海　聲沙沙更好
一粒飛滋　嗌痛嗌到起泡

誰命令人　肅靜　安靜　Woooh Woooh
全部　為民抗命　嗌一次
無視敵人　禁令　抗令　Woooh Woooh
來吧　熱情　沒法阻止　Woooh Woooh

一二嗌一嗌
早餐柯打要落快啲嗌　Woooh Woooh
死就嗌拜拜
失戀分手要做喊包嗌　Woooh Woooh
請大吐不快
閂咗支咪救命照樣嗌　Woooh Woooh
口大噴水怪
得噃一口氣亦要表態　Woooh Woooh

隨便嗌　正反派        Woooh Woooh
神仙嗌　有妖怪        Woooh Woooh
人走哂　照樣嗌　Woooh Woooh
ＢＢ嗌　要飲奶





7.男子組

作曲：陳奐仁 for the invisible men
填詞：林海峰
編曲：陳奐仁 for the invisible men
監製：陳奐仁 for the invisible men


一二三四 兄弟打氣
中環人收工除呔        黑皮鞋收埋 穿新出經典復刻        七零年波鞋
湊夠腳約吓老友        踢吓波冇壞 細個嘅老友到晒        個個都肚腩大
新波衫波砵皮球衝出球場拉柴 心情如小孩        仲扮活潑通山嗌
波友一黐埋        吹水懶灰諧 三張幾通處派        佢大力射咗出界
身邊靚女走晒        我額頭頹鬼晒
仲廿歲仔咩 嘥氣        係咪要想死        想死你都有排
車樓我點供晒        一身屁股的債
仲扮眼濕濕        扮晒up dub        但係我都冇錢        點借錢你還欠債
老友咪嘆氣 我點幫你        BABY
振振兩臂        拍拍背肌         打氣 BABY        力要谷起
想當天可以孩子氣        未要孭飛
今天爭爭氣男子組靠你
死仔         嚟埋堆啦埋 衰佬         玩得起玩埋
死仔包        爭乜鬼金牌 一齊        跑唔完都跑埋
小球場 一班耆英        跑全場死捱 筲箕灣施丹大坑碧咸狂打柴
踢兩嘢個個斷氣        個個煙癮大 老友記老過魯爾        對腳應砌去賣
呢班波 當打時期        攞小型球金牌 呢場全挽鞋        大啖白泡嘔得快
口水都乾埋        踩波車拗柴 乜筋都抽過晒        佢淨係打winning快
啤酒兩JAR隊晒        身紀有得好快
係咪要修身 減肥 食藥再搣脂 姿整過小女孩
翻工我翻足晒        我份人工減晒
又未到炒得 未算死得        就算炒 最多早退休 暢遊世界
老友咪嘆氣 我點幫你 BABY
振振兩臂        拍拍背肌         打氣 BABY        力要谷起
想當天可以孩子氣        未要孭飛
今天爭爭氣        男子組靠你
細個大家執波很快        個個大把瀟灑走上街
球場維記         行行企企 平台瞓覺        魚翅我食到飽晒
要買合金爸爸即買        細個話之當街小個解
童年時你         童年時我 聯羣結拜        成個世界我玩晒
老友咪放棄 放都嘥氣        BABY
振振兩臂         拍拍背肌        打氣 BABY        用腦谷起
一班啤酒肚在喘氣        大曬腹肌
波波交俾你        男子組靠你
老友我撐你 我梗幫你        BABY
振振兩臂         拍拍背肌        打氣 BABY        射到飛起
今天點可以話之理        仲放飛機
爭番一口氣        男子組靠你







8.安多芬與我

作曲：王雙駿
填詞：林海峰
編曲：王雙駿
監製：王雙駿


痛痛痛我有水泡發痛　鞋帶綁到痛　享受每吓酸痛
我最愛喝兩支水當餸 忘記身體重 勤力擴胸
緩步徑內我急衝　做隻飛馬跑跳碰 碰到兩塊碎石 為我起哄
榕樹兩旁做觀眾　沒有比賽去兜風 聽一首歌向前衝

NA NA NA NA NA NA NA　 NA NA NA NA NA NA NA
流完汗就喝水　流成頭汗是壯舉
安多芬打氣話 留下腳毛迎風去
NA NA NA NA NA NA NA　 NA NA NA NA NA NA NA NA NA NA
寧願休克都去　就快死去　停完又再追 我抽筋都有趣

重重重對腳收工最重　神經都放縱 飛落馬路由街燈歡送
我嘅節奏靠呼吸放送　立體聲出眾 音波氣功
路見馬田鬥追風　大腳踩氹水最勇 我踢爆我隻鞋視作英勇
濃烈臭汗我吹風 令我吹上了高峯 拉傷小腿嗌成功

NA NA NA NA NA NA NA　 NA NA NA NA NA NA NA
流完汗就喝水　流成頭汗是壯舉
安多芬打氣話 留下腳毛迎風去
NA NA NA NA NA NA NA　 NA NA NA NA NA NA NA NA NA NA
寧願休克都去　就快死去　停完又再追 我抽筋都有趣

NA NA NA NA NA NA NA　 NA NA NA NA NA NA NA
流完汗就喝水　流成頭汗是壯舉
開支奔肌慶賀 然後快樂回家去
NA NA NA NA NA NA NA 　NA NA NA NA NA NA NA NA NA NA
淋花灑鬆鬆佢 在被窩裏 仍然在壓腿 再起身跑過去







9.傻婆

作曲：陳奐仁 for the invisible men
填詞：林海峰
編曲：陳奐仁 for the invisible men
監製：陳奐仁 for the invisible men


全世界有邊一個最儍 儍就我要請佢吔燒鵝 儍婆

望見就佛有火 啲單寄俾我
就有懶你幫助 似個秘書包搞妥        
話肚餓就有call 即刻餵飽我
夜半賀我一賀 嚟碟餸跟湯老火
落雨仲去踢波 波衫臭得我
就似毒氣災禍 你冇計點都攬我
做到倦就有火 邊位按摩我
全靠係你用對手me me摩摩

好 老細我放工 我約晒老友去放鬆
好 放到我過晒鐘 冇嘢攝攝你半個鐘
我叫你到你實出嚟 喂你冇嘢你劃乜眉
你有肚腩我要你減肥 次次借你嚟去出氣

儍婆 點解你仲要去忍我        
仲會氹番我        換轉我即刻扯晒火
儍婆 點解你仲要去跟我成世要跟我換轉我轉個身早撇咗

夏季就靚女多 貪高興玩過 就算係我闖禍 你當冇睇到聽過
做嘢做到冧咗 即使跌低過 係你為我嚟唱首溫馨K歌

好 你有你發功        最怕你唱到喊到腫
我冇錫到你燶 冇買嘢送過你 送個風
次次你嗌要食曲奇        我嗌老細叫碟蘇眉
當你冇到        我係揸旗 冇氹過你仲成日激你

儍婆 點解你仲要去忍我仲會氹番我換轉我就即刻扯晒火
儍婆 點解你仲要去跟我        成世要我換轉我轉個身早撇咗

全世界有邊個最儍唔及你一個 儍嘅我要請你吔燒鵝

儍婆點解你儍到咁鬼錯成世冇好過 全世界醫生都怕咗
傻婆        千億個就愛你一個        係我最識就算我知short 咗
儍婆呢一世就要你一個儍嘅襯番我儍到敢伸手俾我拖

儍婆聽聽吓又要喊乜喎儍嘅喊乜喎儍到你咁喊一餐瞓咗






10.流行曲

作曲：陳哲廬, Eric Kwok
填詞：林海峰
編曲：陳哲廬, Eric Kwok
監製：陳哲廬, Eric Kwok


清唱 一開口用喉嚨聲清唱
這樣 才會令你為我拍掌 扮偶像派係我理想
感動 段段歌詞要寫得夠感動
能夠 講鼓舞及明日理想 一淺白易明人就唱 WO~
假音 唱到第二段嚟個假音
震音 震爆個尾音先夠壓場 WO~
慘情 我愛你抵死冇好收場
煽情 必兩粒眼淚情緒高漲 WO~
去到chorus chorus要易記易唱
記住要 重複 重複 我為K迷着想
仲要repeat又repeat 這旋律先算最強
流行曲        要大眾 隨時隨地唱
點唱 手機嚮用和弦聲即唱
這樣 日與夜我會到處嚮 日播夜播就最理想
和音 要大量和住咪我走音
懶音 好有風格人人會跟得上WO~
去到chorus chorus要易記易唱
記住要 重複 重複 我為K迷着想
仲要repeat又repeat 這旋律先算最強
流行曲        要令到        全場大合唱
再上再上 呢段要越唱越搶
再上再上 呢段會越唱越娘
爭住唱        你記住要出我份糧 冇錢點唱
再上再上 乸實塊面唱做樣
再上再上 一定會斷氣內傷
三連音 三連音 三連音 三連音         三連音        三連音 音
Wo~
chorus chorus要易記易唱
記住要        重複 重複 我為K迷着想
仲要repeat又repeat 這旋律先算最強
流行曲        唱就唱        咪求其是但唱
我首流行曲 一定中 一定爆 爭住點唱
攞硬獎