蕭澤倫 - 轉去的那條路 (回去的那條路)

作曲：蕭澤倫
作詞：蕭澤倫   

你是毋是已經行值轉去故鄉的彼條路?
你講彼條路的路邊有溪水真清氣，
有蝦、有魚，有憩陶的紅田嬰。
微微風輕輕彽吹，路邊有一欉小白花，
恬恬攏無講話；
微微風輕輕彽吹，有媽媽煮飯的燃柴味，
值溪水彽流的時陣，叫你緊轉去!

值彼個夢中，值彼個夢中，
我有聽著囡仔時的歌唱昧煞，
值彼個夢中，值彼個夢中，
有看著，天真的笑容。

你是毋是已經行值轉去故鄉的彼條路?
你講彼條路的路邊有軟軟的田土，
有蝦、有魚，有澹漉漉的牛仔褲。
微微風輕輕彽吹，樹頂有斷線的破風吹，
恬恬攏無講話；
微微風輕輕彽吹，有阿爸交代的彼句話，
值咱逐擺跋倒的時陣，毋通頭纍纍!

值彼個夢中，值彼個夢中，
我有聽著囡仔時的歌唱昧煞，
值彼個夢中，值彼個夢中，
有看著，天真的笑容。

你是毋是已經行值轉去故鄉的彼條路?