劉舜文 - 算吧啦老豆

點解世界咁不知所謂?
溫暖既淨係班老細個胃?
點解窮人就黎做到手瘸
但係人工都仲係咁低?

買樓只係有錢佬既玩意
我連試都冇資格嘗試
唔係唔想嘗試 唔係冇大志
唔係語無倫次 只係入不敷支

我夠畀水費唔夠畀電費
我夠畀車費唔夠醫藥費
我自問已經超級節制
但係... 仲係... 唉! 唔夠洗

祈求政府會幫幫我地 諗下都知嘥鬼氣
全副身家得番四舊 我嘆句 : "算吧啦! 老豆!"
我地嗌到噴氣 嗌到洩氣 嗌到斷氣
你都當我唱 K
卑鄙 卑鄙 卑鄙 卑鄙

我期待有左最低工資
我既生活會改善返啲
點知老闆諗左十大奇招
我實際加既唔夠買蕉

轉頭老闆兜左明叔華姐
要我一個人做三個人野
佢話唔想咁狗 只係唔想跳樓
舖租貴到嘔 已經冇錢喺手

點先打破貧窮魔咒?
點先打爆通脹怪獸?
我眼淚好似開始發臭
但係... 仲係... 唉! 唔夠揪

祈求老天會幫幫我地 諗下都知嘥鬼氣
全副身家得番兩舊 我嘆句 : "算吧啦! 老豆!"
我地嗌到噴氣 嗌到洩氣 嗌到斷氣
你都當我唱 K
卑鄙 卑鄙 卑鄙 卑鄙
算吧啦! 老豆!
算吧啦! 老豆!
算吧啦! 老豆!
算吧啦! 老豆!
算啦!