標題: 笑波子 - 辨公室有FREESTYLE嗎？ [打印本頁]

---

作者: 歌詞    時間: 2017-8-20 01:03     標題: 笑波子 - 辨公室有FREESTYLE嗎？

[youtube]Yv9m8iffuyA[/youtube]

歌詞:
Arrogant Superior:
我職級高過你所以 你係妒忌
唔奉承我就做你 呢度係你墓地
唔係我請你返嚟 你仲係屋企掃地
你預左半份糧係囉黎比我出氣
叫你寫份詳盡 你就寫份速記
你咁既表現公司仲可以比乜野福利
D project 亂咁嚟 返工剩係識得打機
阿姐都清潔完 你個位都仲係有浸宿味
你係新入職 就要聽我老點
你只係茄呢啡 而家我係導演
我識得博表現 當老細出現
你條新丁係我面前 唔夠我老練
Ignorant Junior:
你返工無嘢做淨係識同老細social
比晒d嘢我做OT幫你砌份proposal
我未做你先嘈 對住你係煎熬
你咁燥係咪應酬打得太多邊爐
定係咁既歲數已經更年期到
仲係用緊舊個套 封建既制度
最想我原地踏步 要我做埋雜務
你渣住個大權 其實係一條瞎毛
日日做到似隻狗 你用口指揮都算
無料到既上司 d靚梗係乘機搗亂
唔想再周旋 你周全 既手段
語言偽術令你可以係呢度繼續生存
Arrogant Superior:
我呢d叫經驗老到做到面面俱圓
唔似你講嘢無到將個party反轉
你坐係呢個位 根本唔會有奇蹟出現
再做多廿年 第時層樓供極都唔會斷
Ignorant Junior:
你日日夜夜沉迷玩辦工室政治手段
定係睇得太多 後宮爭寵 互相暗算
職場老屎忽 等我改朝換代同你清算
唔該你快d收皮唔好阻住地球轉


Arrogant Superior:
奉勸你係上司面前講嘢唔好咁串
醒幾張warning比你 年終花紅唔知點算
Ignorant Junior:
跟住你條茂利上司好似上左賊船
小心個位坐唔穩隻船係通往黃泉
Arrogant Superior:
我就係坐係度等花紅 年年豐收
仲想我批你假 等我去完遊埠
勸你返埋位做野 今晚唔好咁夜走
聽朝開會有早無遲 返早幾個鐘頭
Ignorant Junior:
你班上司完全唔會理會下屬既感受
圍埋吹水天花龍鳳夠鐘就即刻走
成日show off 自己行頭 有幾咁大推頭
其實只不過係公司老闆眼中既小丑

---

歡迎光臨 忘記歌詞 (http://lyriccc.com/)

Powered by Discuz! 6.0.0