忘記歌詞 - Powered by Discuz! Board

標題: 陳冠希 - 問世上有幾多愛 [打印本頁]

作者: 歌詞 時間: 2013-6-15 22:27 標題: 陳冠希 - 問世上有幾多愛

作曲：DJ Tommy
作詞：陳冠希

對唔住阿媽　對唔住阿爸
我真係有嘗試過聽你話
我知我講過好多大話
死都改唔到任性　無咩變化
細過果陣時成日偷你啲銀紙
晚晚去Party　日夜剩係識得聽住啲rap歌詞
當正係說話來自我老豆老媽子

對唔住阿媽　對唔住阿媽
諗返九歲果陣我唔應該離開溫哥華
我細過真係想認識　我呢個爸爸
對唔住阿爸　我知你好辛苦架
賺錢去賺我哋嘅家　但我返到香港追求老豆嘅教導
點知嚟到佢忙到連時間到無　我只有金錢嘅回報

(你會愛護我嗎　無論我有無五行欠打
其實你會愛護我嗎　愛我就大力抱一下
你會愛護我嗎　無論我有無五行欠打
其實你會愛護我嗎　愛我就大力錫一下)

對唔住阿媽　對唔住阿爸
由依家我會努力搵錢為我哋既家
希望你見到我有付出代價
依家忙到無咩時間坐低同你飲個茶
記得有幾次唔記得send生日卡
嗌嚟嗌去有幾次成個鐘無對話
我諗樣有幾次　果幾次想執野離開呢個family
諗返起好彩無決定咁樣做
我有咁好嘅老豆老母　我應該驕傲
今時今日依然同你嘈　各有各角度
你叫我去東　我去西　我唔係故意咁樣做
我有我原則　我唔會讓步
我係度行緊我自己條路
你地依依暗暗叫我對啲狗仔客氣啲
但我反而火爆啲　癲到係度踢的士
最近你有提議　叫我注重身體keep fit跑步
依家我日日係度跑　但為咗公司跑返啲數
我個腦剩係諗到　剩係知道　點樣搵啲製作　點樣賺返多啲酬勞
我嘅腦　我條路　我望到　到我結婚生對仔女對佢哋好似你對我咁好

(你會愛護我嗎　無論我有無五行欠打
其實你會愛護我嗎　愛我就大力抱一下
你會愛護我嗎　無論我有無五行欠打
其實你會愛護我嗎　愛我就大力錫一下)

記得細過我有．．．

歡迎光臨忘記歌詞 (http://lyriccc.com/)