標題: 甄子丹 - 天才與白痴 [打印本頁]

---

作者: 歌詞    時間: 2012-1-19 23:48     標題: 甄子丹 - 天才與白痴

(賀歲電影《八星抱喜》插曲)

作曲：許冠傑
填詞：許冠傑 / 薛志雄

呢個世界上，有精仔、有懵仔、有叻仔、散仔、賭仔、重有戇居仔，
有衰仔、有好仔、反骨仔、癲仔、蠢仔重弊過敗家仔，
細蚊仔、臭飛仔、招卿仔、靚仔、打仔亂咁出刀仔，問你點敢亂生仔。

邊個係天才（天才），邊個係白痴（白痴），
扮懵定蠢才，冇咁易會知（阿茂至知），
天才與白痴，你黐定我黐，天才與白痴，冇咁易會知，天才與白……痴。

呢個世界上，有冤鬼、有嘩鬼、有奸鬼、賭鬼、盞鬼、重有咸濕鬼，
有衰鬼、有煙鬼、攝青鬼、生鬼、撞鬼撞著個冒失鬼，
醉酒鬼、吊靴鬼、醜死鬼、假鬼、真鬼、亂咁鬼打鬼，問你究竟攪乜鬼。

乜鬼係天才，乜鬼係白痴，扮懵定蠢才，冇咁易會知，
天才與白痴，你黐定我黐，天才與白痴，冇咁易會知，天才與白……痴。

呢個世界上，有堅、有流、有精、喎、喳、重有大鑊，
有衰、有好、有筍、貴、賤、最划忌就賴，
醒胃、林嬸、正斗、靚、杰、最爽就撈粗，確係認真唔少。

乜係天才，乜係白痴，扮懵定蠢才，冇咁易會知，
天才與白痴，你黐定我黐，天才與白痴，冇咁易會知，
天才與白痴，天才與白痴，天才與白痴。

---

歡迎光臨 忘記歌詞 (http://lyriccc.com/)

Powered by Discuz! 6.0.0