農夫 - No.10000

作曲：Tomato+Gigi
填詞：6Wing+C-Kwan+Gigi+GloomyC-Kwan:
對唔住我生既第一個BB
其實身為你媽媽都唔想發生呢件事
我真係好過意　過意唔去
我真係好介意　介意唔去
去深圳　返大陸
或者去邊度都好
我唔想未夠十五歲就要去做人老母呀
你明唔明唧？
唔係話我唔錫你呀
不過我點會知道
點至諗到
點去處置你喎？
我知我有我有去搵過你老豆
但係咁多個
我搵得邊個唧？
係咪要我秤晒佢地出黎
再抽你d臍帶血去瑪麗醫院或者屯門醫院check一check
無可能架嘛　咁多個
咁我咪唯有順手咁…沖你落廁所
我會掛住你架
日日想你愛你
雖然我係有錯希望你唔會怪我
媽媽字
chorus
Gigi:
就好讓媽媽帶你暢泳去
只要你走出那漩渦我們便可解脫
又讓媽媽帶你天空飛
從天台出發
可飛往天際
拋低一切　拋下你
只想你知道　關於你的一切
我完全沒有預備
C-Kwan:
再一次對唔住
我真係點都做唔到
沖你落廁所之後四年竟然生多一個細佬
仲要爬出窗台　爬上天台
唔覺意掟左你落街
雖然去得特別暢快
求你唔好責怪
你媽媽
我十九歲既妙齡又點樣擔起一頭家
所謂既哎也爸爸
又多到數都數唔清楚
明媒正娶個個
又咁岩入左戒毒所
我每晚孤伶伶一個人對住四碰牆
所以咪紅杏出牆
不過我今次真係知
真係有補救
叫我姊妹一拳拳當我沙包係咁打
我見到一灘血係地下
以為成功落左你
點知辛苦咁耐以黎只係一場空歡喜
媽媽會掛住你
日日想你愛你
雖然我係有錯希望你再一次原諒我
媽媽字
Gloomy獨白：
下　個陣得15歲咋喎　點養唧？
之後個個
我以為搞掂左架啦
點知…唉！咁都要生佢出黎架啦
但係佢老豆同我老公都唔會養佢架喎
都有d架
我諗BB唔會嬲我卦
唔知佢地而家點呢？
6Wing:
媽媽　媽媽　估唔到
上一次出世既見面禮原來就係帶我去神奇隧道
唔知沖我去邊度　個度　叫做　嬰兒地府
佢地話我係10000號
投胎　俾人打尖
等左幾年　鬼咁耐　等待
你信緣份架呵？
媽媽　好似整定要你生我咁啵
媽媽　我係咪又黎錯左
唔通你想我玩笨豬Jump但係條繩又唔見左？
你唔需要答我
我唔需要答案
我唔會怪你
不過　應承我丫
可唔可以
以後再生一次　唔好再唔要佢
就當為左我　為左之前個九千九百九十九個
如果再無10001號　你話幾好
chorus