歌詞 2013-3-7 21:16
MastaMic - Hate Me
作曲：Big Sammy
填詞：MastaMic
編曲：Big Sammy / DJ Galaxy
監製：MastaMic / Big Sammy / DJ Galaxy / Jerald
你係憎我 你要憎我 有幾多人憎我
當越多人識貨 越多人攻擊我
係你哋逼我 將你哋逐個 擊破
你唔鐘意我 我都唔鐘意你
你唔鐘意我 我俾隻手指你
唔理你鐘唔鐘意 總之我冇時間理你
我理得你哋死 理得你哋係咪憎到我死
我知你想我死 偏偏我大難不死
係要死番嚟對住你哋督眼督鼻
睇住你Chok住條氣 仲要同我講恭喜恭喜
脆脆哋 豪俾你 我就當幫你哋沖喜
一次過 一個我可以KO幾個
一鑊過 一個對幾個我未驚過
聽歌聽邊個邊個 又話識邊個邊個
話呀邊個邊個勁過我 究竟邊個係邊個
我未聽過你係邊個 咁呀邊個邊個你有冇聽過我
你冇聽過我 冇過我嘅歌 唔知我邊個
講你知喺香港講Flow冇邊個可以癲過我
喂 你夠未 玩夠未 夠皮未
仲未夠皮 由你繼續扮馬騮
繼續耍你馬騮戲 話你似馬騮 驚你嬲
你似未夠喉 想唱多幾首 我即刻耍手擰頭
你話想要個理由 我淨係要你走
你唔走我走 我受夠 你出聲 我冇鞋輓屐走
你再出聲我單挑你同你隻揪 讓你一隻手
一隻左手足夠 我要你慘敗喺我手
誰人來恨我 來憎我
誰人討厭我 在我背後開火
誰人來恨我 來憎我
無人可阻止我唱我有貨唱這歌
誰人來恨我 來憎我
誰人討厭我 在我背後開火
誰人來恨我 來憎我
無人可阻止我唱我有貨唱這歌
Hater係Hater
Hate the game, don't hate the player
講到自己代表地下 你咁渣我埋你喺地下
你咁渣丟地下嘅架 我媽媽你媽媽的地下
I born to be a rapper 單人匹馬就殺你哋全家
殺你哋全家邊使用劍 我啲Rap係殺他死
你啲Rap同我比 好似北韓同美國競賽軍備
永遠都冇得比 永遠都係跟尾
連細路都睇穿你 得啲傻嘅先跟你
呢個世界得傻人先會欣賞你賞識你
你嘅存在功用只係即用即棄 鬼有人會識你
就算你幾俾心機 全部都只係嘥氣
有幾奇你同你嘅歌 好快就過氣俾人遺棄
由你Rap嗰日起 你嘅Rap同你一樣乏味
得你老細先得你 你啲歌太骨痺
CD機播你隻碟都會 疾疾疾疾機
你一上台唱歌開口 昅昅昅昅住條脷
我習慣做人民公敵小圈子嘅特色
憎人貴厭人貧係佢哋嘅共識
到處都遍佈Haters嘅蹤跡
佢哋冇幾多功力 莫講話有幾多功績
你哋網上攻擊 冇一次一矢中的
每一次見你似曾相識
廢柴同盟冇你哋加盟略嫌失色
正義聯盟最出色 歡迎小人玩打擊
使乜假想敵 今日起呢個遊戲我打骰
誰人來恨我 來憎我
誰人討厭我 在我背後開火
誰人來恨我 來憎我
無人可阻止我唱我有貨唱這歌
誰人來恨我 來憎我
誰人討厭我 在我背後開火
誰人來恨我 來憎我
無人可阻止我唱我有貨唱這歌
你一早就過時 嗰啲衰過兒歌嘅歌詞
如果可以我寧願聽崖上的波兒
咁樣都係MC 有邊個唔可以
係人都可以自稱MC
係咁咦用iPhone拍又話最新MV
幾個貪得意又話搞牌子 搞唱片公司
最後得個搞字 自己搞唔掂 出嚟搞事
隻隻歌你都話幫邊個邊個埋單
闔把冷歌詞講到自己冷血到殺人唔眨眼
咪懶把炮充炮艇你充其量係隻舢舨
以為痴住傻嘅老闆咸魚翻生可以反彈
你嘅所謂最後殺手鐧 最多用嚟打手板
殺唔到人嘅殺手鐧 用嚟Rap住打側手翻
老翻Rapper屋企等開飯
想翻生咪又係玩埋欄 最後咪成班痴返呀大老闆
你咁老 難得仲咁有態度
你啲態度行一步退七步 講一套做一套
鬼咁識做抵你咁襟撈
衷心多謝你上次教我搞Show
下次咪咁燥 小心血壓爆煲
我啲Flow 要幾Flow 有幾Flow
我啲詞 要幾到 有幾到
你玩咗咁多年嘅始祖 點解仲喺起步
你都未起步 我距離個終點已經只差幾步
誰人來恨我 (來恨我) 來憎我 (來憎我)
誰人討厭我在我背後開火
誰人來恨我 (來恨我) 來憎我 (來憎我)
無人可阻止我唱我有貨唱這歌 (唱我有貨唱這歌)
誰人來恨我 來憎我
誰人討厭我 在我背後開火 (背後開火)
誰人來恨我 來憎我
無人可阻止我唱我有貨唱這歌 (唱我有貨唱這歌)
