歌詞 2012-4-6 18:00
陳淑莊 - 戴錯嘢夫人 (Featuring MastaMic)
作曲：Siugwai
填詞：梁栢堅 / MastaMic
編曲：Siugwai
監製：SiuGwai / MastaMic
細個入錯校選錯科 所以無拍過拖
我最鐘意上bio 偏偏學校編我入文科
考大學考哈佛 唔收我
大學入錯咗Kong U 揀錯咗
揀咗讀law 其實我想讀physco
幾年後學有所成 做律師我無上錯庭
夢中見過有齊人證物證 最後都判錯刑
到大個識錯咗嘅衰男人有好幾個
又有好幾個好男人 我飛錯咗
好彩結果都無嫁錯郎 但唔覺意我入錯行
大狀化妝走去做東宮西宮決心大鬧香港
無聽錯 無界別得我 行錯入咪界錄歌
錯中錯 行正路恤髮 最終審我做錯
戴戴戴戴 錯錯錯錯 你你你由我
我人生中最錯
係搞錯咗以為政府會交足貨照顧我
但結果似搞禍多過交貨
政府試過拆錯碼頭 拆錯樓
起錯豪宅 起錯西九
仲有最錯嘅特首 佢去錯澳門 交錯朋友
有人選特首 裝錯修 挖錯窿 買錯紅酒
send 錯email 識錯女朋友
好彩娶啱個老婆幫佢兜
另一名特首 侯選人 講手段高幾班
就算食錯飯 埋錯單 唔小心埋錯班 去錯上海灘
只要佢無去錯西環 叫啱盅連飯
過咗阿爺個關 選票一樣急轉彎
小圈子1200人點代表700萬
無聽錯 無界別得我 行錯入咪界錄歌
貨比貨 唔接受A貨 乜你話我攪錯
戴戴戴戴 錯錯錯錯 你你你由我
錯錯錯 邊個未犯過錯 邊個未錯過
我有錯 你有錯 我錯過 你錯過
係人都有錯過 聖人都會有錯
要錯過 先知錯 先至唔會一錯再錯
無聽錯 無界別得我 行錯入咪界錄歌
貨比貨 唔接受A貨 得過但咪且過
亞邊個 唔算代表我 爛鬼牌都會自摸
亞邊個 唔覺又五年 總有日再選過
配票配錯 種票種錯 你你你見過
戴戴戴戴 錯錯錯錯 你你你由我
