歌詞 2010-7-23 00:49
野仔 + 陳慧琳 - 中學生應該談戀愛 (劇場版)
作曲：Chris
填詞：Jim
編曲：Adrian Chan/野仔
監製：Adrian Chan
VO：讀書嗰陣時，覺得唔應該發生嘅偏偏發生
覺得應該會出現嘅結果，總係無結果．．．
你話過每一日都會寄一封信俾我
七月三號、七月四號、七月五號
直到一九九六年八月十八號
我就再無收到你喺寄宿學校寄俾我嘅信．．．
應該專心 同學不應該喪志
剛想開口 但是又怎麼折返
考試時間 在腦袋裡 全部只有你 每天去玩
VO：嗰年初夏，我返學校對卷
打開locker，有一封信塞咗入嚟
我好嬲咁拎住封信衝去你個位度扔嚮你嘅檯面
當時其實我好驚，因為，我大你兩年，而且我就快畢業喇
我覺得我哋唔應該喺埋一齊，但係結果．．．
不見不散 愛到冬天不怕冷
不要失散 愛到師長都慨嘆
心智未大透 我們應該愛
臉上滿是你的香氣 中理英數沒法比 我認我懶
VO：無人知道中七嘅我同中五嘅你喺嗰年暑假喺埋咗一齊
終於高考 回校想偷偷拖你
一天千千 萬萬短訊往返
一霎眼 剩下這暑假 春天已過 綻放的花沒結果
VO：我哋瞞住地球上面嘅所有生物，偷偷地見面
偷偷地嚮戲院拖手，你偷偷地攞咗我嘅初吻
我偷偷地喺啟德臨入禁區前嘅轉角位
望住你屋企人嘅背脊同你揮手
第一次有男仔為我喊，我第一次為男仔喊咗十八個夜晚
你竟然好傻咁話，有一日你年紀會大過我
我就話自從我同你喺埋一齊之後已經無介意過
現實怎可能 將「愛」這個字大定了再講
但這列車 就快開出了
不見不散 愛到冬天不怕冷
不要失散．．．
VO：收到你第十二張明信片，上面寫住
「新學期開始喇，嚟咗多倫多之後
發現自己有好多功課都跟唔上，
相信之後未必可以每日都為你寫信，保重」
不要失散 你我青春的時間
最後暑假 派對始終都要散
心智未大透 當我們應戀愛
到廿歲後愛已蒸發 執起泛黃舊照片 再笑著慨嘆
VO：今晚我將你當年塞喺我locker嗰封信拎返出嚟睇
上面寫住「我沒記住那年我們幾多歲，
你我一對，從未爭吵流淚．．．」
