歌詞 2010-3-4 10:55
[全碟歌詞] 農夫 - O’FAMA
推出日期：2010/02/26
01. I Believe U Can Fly
02. 眠眠
03. 信不信由你
04. Dream Girl (Version 6)
05. Dream Girl (Version C)
06. 24
07. Old School Days
08. 窮得只剩錢
09. 娛樂圈殺人事件
10. O'Fama
1. I Believe U Can Fly
作曲：Dr Luke
填詞：農夫
編曲：Dr Luke
監製：Edison Chen
呢個世界有好多妖魔鬼怪
得閒你出街 一眼睇晒
見高就拜 見低就踩
見你跌低喺街佢就咁就行過
話知你幾難過 淨係想你盡快bye bye
分黨分派
對住你扮晒同你一見如故
背住你攻撃到你體無完膚
鬧到你喊啲說話難聽都聽慣
一個禮拜七晚 你都有阿媽生
點解要照舊匿喺個死局
點解要接受呢一種屈辱
終於要反抗盡快 將所有感覺大嗌
舉手去表態 你夠膽可以每況越大
終於要反抗盡快 將所有感覺大嗌
舉手去表態 你夠膽可以每況越大
不不怕 天幾高我就有幾高
不不怕 踏我嘅路途 為我去自豪
不不怕 天幾高我就有幾高
不不怕 踏我嘅路途 為我去自豪
成和敗 努力嘗試 成王敗寇係常事
上次係上次 不外如是
有失意 有得意 要捉緊每一次機會
就算比人哋 辛苦多幾倍
我甘心 我身心 有幾攰
書可以死背 生命有幾回 輸咗咪咁灰
十年人事幾翻身 突然跌親咪起返身
實現 不可能從來無擔心
仲有幾多艱辛 要我去攀登
個個即管笑我 我睇到你睇小我
你話錯嘅夢想 係我嘅功課
越係傻 至值得我去衝破
終於要反抗盡快 將所有感覺大嗌
舉手去表態 你夠膽可以每況越大
終於要反抗盡快 將所有感覺大嗌
舉手去表態 你夠膽可以每況越大
不不怕 天幾高我就有幾高
不不怕 踏我嘅路途 為我去自豪
不不怕 天幾高我就有幾高
不不怕 踏我嘅路途 為我去自豪
嘗試過失敗 I believe I can fly
我試過失敗 I believe I can fly
終於要反抗盡快 將所有感覺大嗌
舉手去表態 你夠膽可以每況越大
終於要反抗盡快 將所有感覺大嗌
舉手去表態 你夠膽可以每況越大
不不怕 天幾高我就有幾高
不不怕 踏我嘅路途 為我去自豪
不不怕 天幾高我就有幾高
不不怕 踏我嘅路途 為我去自豪
2. 眠眠
作曲: Clarence Au
填詞: C Kwan & 6 Wing
編曲: Clarence Au
監製: Edison Chen
點解我哋朝朝都要鬼咁早就起身
瞓得幾粒鐘返工有邊個會夠瞓
一路un 搭親巴士 一路哼
貼住窗口果張鐵柱 中吓中吓釣魚
到咗公司就竄 竄去男廁女廁恰番幾個字
快叉個電 諗起返工就眼瞓 起身走人就醒神
恰多一陣無過分 就當頂一頂癮
我費事係咁放蚊 有啲人仲揾緊
香港人係鐵人 係最勤奮既市民
佢唔知我地每人都有同一個精神 就係無乜精神
返工嘅O.T 起身又就做做做
留下啲事 臨瞓又嘈嘈嘈
返學又係咁補習 放學活動眾志成城
發夢都背乘數表 又加減又乘乘乘
果石屎森林好似一個動物園
呢七百萬人好似係團團圓圓
七百萬對黑眼圈 睇唔到個月亮有幾圓
淨係睇到好多嘢未曾團圓
大部分香港人 (佢話) 出細無乜點瞓
(點解) 用盡護膚品祈求遮蓋住對兩圈黑印
日後遇到西人 (佢話) 佢都嚇親
(點解你) 唔使瞓 (講真喎) 唔知幾眼瞓
我日日諗 我可唔可以瞓多一陣 離開個床襟仲難過遠離毒品
你有無聽聞有人起身會精神 我諗陳志雲要揾佢做個訪問
咇咇咇 咇咇咇 需要返工 Di Di Di Di 衰鬼閙鐘
嘟嘟聲提醒你要嘟嘟嘟 但係點解咁嘟咗我都唔係農夫
眼瞓眼神無神 最好嘅好人先會做香港早晨
返工我揾周公溝通 收工由香港玩到 Kowloon
城市人就係咁 我地係瞓又唔願瞓 起身我又要呻
老細問點至肯精精神神 咁將我份月薪轉做美金
大部分香港人 (佢話) 出細無乜點瞓
(點解) 用盡護膚品祈求遮蓋住對兩圈黑印
日後遇到西人 (佢話) 佢都嚇親
(點解你) 唔使瞓 (講真喎) 唔知幾眼瞓
冷鐘有響過 返工都返過 始終無諗過 聽晚大家點過
分針有郁過 有雀仔飛過 乜都無睇過 一世就咁經過
望望個個都話有幾忙 忙忙無時間四圍望望
憨憨居居咁樣就收檔 無好好地去響往 無瞓過係張大床
望望個個都話有幾忙 忙忙無時間四圍望望
憨憨居居咁樣就收檔 無好好地去響往 無瞓過係張大床
大部分香港人 (佢話) 出細無乜點瞓
(點解) 用盡護膚品祈求遮蓋住對兩圈黑印
日後遇到西人 (佢話) 佢都嚇親
(點解你) 唔使瞓 (講真喎) 唔知幾眼瞓
3.信不信由你
作曲: Clarence Au
填詞: C Kwan & 6 Wing
編曲: Clarence Au
監製: Edison Chen
＊有乜野可以相信 我唔想信 你要長進
終於知道只可以信自己
信奉神 信任人 信風水 信命理
信定唔信任由你地＊
Repeat＊
果晚同男朋友嗌完交唔見咗銀包入去差館落個包
點知有幾個警察包抄問我乜事乜事我話係急事急事
但係呢啲小事最後轉介比警署入面其中一個CID
幾日後去High-tea 岩岩好放低筷子佢打黎叫我快啲乖啲
過黎警署認領番個ID 仲借啲意岩岩好夠鐘放工不如落去樓下個酒吧放一放鬆
我當時無為意六神無主 點會估到呢個便衣原來係一個騙子
加上隔離係警署有關二哥頂住 一杯兩杯猜枚猜嚇枚終於不醒人事
到我醒返果時哎我望見我既身體啲衫褲係我隔離個警察食緊煙仔
我係咪要報警我就係去報警所以結果攪到今日係差館衣衫不整
以前有警察保護市民今日有警察侵犯証人
到底邊一個敢對邊一個差人以後都咁信任
當警察都唔可信試問
Repeat＊＊
我有個囡囡佢岩岩先十幾歲
佢有個先生咁岩同佢傾得兩嘴
果位老師都好似幾鍚佢
手機同波鞋都送咗幾對比佢
我問佢知唔知點解老師特別鍚你
佢話唔只鍚得閒仲會摸嚇佢大脾
週未假期上去老師屋企襟同一張被
老師好歡喜將佢勃起放一啲野入黎
我個女話唔鍾意亞Sir話佢只係鍾意
要尊重老師以後 maths會高分啲啲
就係咁一次一次比佢教BIO
我個女最後終於比佢攪大咗
以前有老師教學生今日有老師攪學生
我點樣靠你地班老師教岩一班女學生
當為人師表嘅人我都唔可以再信人咁試問
Repeat＊Repeat＊Repeat＊Repeat＊
＃一朝你長大終於冇乜比你依賴
ｇａｇ埋邊位有朝將你出買
事實上大概都應該了解
只得你一個你可以信賴＃
Repeat＃＊＊
4.Dream Girl (Version 6)
作曲：C-Infamous
填詞：6 Wing / C Kwan
編曲：C-Infamous
監製：Edison Chen
從未捉摸得到你 疑幻空間中嬉戲
從未見過你 就更加新奇 是我幻想得最完美
小姐 我一世都有太多講究
點知我一見到你 世間罕有
無拖手 無見面 無開始過 至能夠幻想滿足得救
You're my dream girl, dream girl
You're my dream girl, baby girl
You're my dream girl, dream girl
You're my dream, you're my girl, you're my world
完美嘅女人 有乜嘢原理
我問過 好多男人點諗
有人想搵個女神無缺憾
有人想搵個第朝起身無責任
有人搵足一生 最後感觸一生 旨因
佢嘅枕邊人 慢慢變咗佢娘親
我嘅女人唔駛聽晒我話ok ok
要有品 唔一定要留喺屋企捉棋
得閒煮返幾味 就算有怪味
只要食唔死我都唔會怪你
你唔駛身材苗條到似瑤瑤
我要係需要 攬住你條腰
我講笑 你識笑 我rap你聽
唔識跳唔緊要 只要你跟住搖
唔會介意 你有時 好似仔
因為有時我只係想你hold me tight baby
從未捉摸得到你 疑幻空間中嬉戲
從未見過你 就更加新奇 是我幻想得最完美
小姐 我一世都有太多講究
點知我一見到你 世間罕有
無拖手 無見面 無開始過 至能夠幻想滿足得救
You're my dream girl, dream girl
You're my dream girl, baby girl
You're my dream girl, dream girl
You're my dream, you're my girl, you're my world
有人話女人係累人 我話女人呢類人
係男人必需搵嘅必需品
上facebook look一look 篤一篤
送你鮮花一束 到而家都無回覆
想要深層嘅對話上MSN
想見真人嘅說話你驚一驚
搵個pen-friend寫信談情已經唔興
搵個夢中情人傾叫我打#9830
呢個o靚妹太cute 仲有無介紹
個嬸嬸又太潮 你俾我諗諗
呢位知音 我怕佢太黐身
有位女醫生 幾斯文 但睇真 似C君
呢位老師 係好人 細心放心
但我同佢講親 我都放蚊
模特兒好得意 我怕佢厚粉
呢位女士 好失意 我怕佢猴擒 你問
點解佢哋同完美 有距離
咁你問問自己 係咪正到暈嘅gentlemen
女人見到我哋咪一樣驚到暈
唔嫌棄我哋已經係完美嘅女人
從未捉摸得到你 疑幻空間中嬉戲
從未見過你 就更加新奇 是我幻想得最完美
小姐 我一世都有太多講究
點知我一見到你 世間罕有
無拖手 無見面 無開始過 至能夠幻想滿足得救
5.Dream Girl (Version C)
作曲：C-Infamous
填詞：6 Wing / C Kwan
編曲：C-Infamous
監製：Edison Chen
＊從未觸摸得到你 仍舊多一些希冀
然後碰上你 望見都皺眉 是我幻想得太完美
小姐你點會可以瞬間改變 點解最初我將你睇高一線
要拖手 至發現 你根本 無野掂 夢中女人 不見＊
＃Where's my dream girl dream girl
(you're my dream girl , baby girl)
Where's my dream girl dream girl
(Where you at baby girl you're my world)＃
我終於搵到ＤＲＥＡＭ ＧＩＲＬ個
ＤＲＥＡＭ ＧＩＲＬ 佢好鬼得意
最鐘意同我ＳＭＳ一個小時七次
問我係邊 做緊Ｄ乜 Ｄ問題好鬼嬸散
問完我先 至會覺得 呀 好似審犯
但係佢的確特色出色加埋有少少母親本色
所有既食物佢唔想食就係對身體健康無益
但係基本上無乜野食物佢係想食
所以係飯枱 每餐都係紅蘿白同青菜
我好感慨 佢係咪白兔既後代
好彩 我地用同一個電話台
所以每晚傾電話傾一個世紀咁耐
由遠古傾到未來 條脷都生滿青苔
唔小心講起舊愛 呢招真係利害
攞我個密碼去驗証上FACEBOOK DELETE所有異性
仲要問我 你而家知錯唔知錯
望住佢 我淨係知道乜野係面壁思過
Repeat＊＃
有人話男人最難忍又好似有Ｄ殘忍
我煩緊去彈緊我鐘意緊既女人
呢類人 係世界上最昂貴既消費品
消費你時計分計 消費你真金百銀
不過男人都甘心去做個消費達人
好似明知會比人搶野 就算佢搶幾多野
送花送樓送車 搶完仲要講多謝
鬼叫先生有需要 唔需要咁多要求
最緊要就手 乜野大話都講得出口
好似狗見到骨頭 佢分左手又轉頭
向你重新追求 你估佢真係咁鬼念舊
浪子回頭金不換 因為佢暫時未搵到新一半
有可能朝朝去等一個嬌嬌女
可能用QQ去搵一個CUTE CUTE女
無論幾美艷動人拍拖耐左就唔再吸引
無一齊過既女人至係佢心目中既女神
以為人地唔嫌棄 個女仔就完美
但係到頭來原來係自己嫌棄人地
所謂你揀人人 人人揀你
Repeat＊＃
6. 24
作曲: Clinton Sparks
填詞: C Kwan & 6 Wing
編曲: Clinton Sparks
監製: DJ Galaxy
如果人生係得番24小時 你會有啲乜野表示
好似乜野只不過係小事
到底係冇諗番幾廿年之間有乜野值得比較記住
有邊次活得比較有意義
唉 由細開始要勤力啲 考好啲試
我聽過唔只一次 全部人都口供 一致
話我知 入得到大學拎到張沙紙
入間大公司攞到啲銀紙 先可以 先可以叫做成功人仕
係邊個話我知要咁樣做人 先至算係有意義
一出細開始呢一個標準就係最高既指示
每個人都只係棋盤入面一隻棋子
到你死果日邊個可以百分百忠實 表現自己果日淨係諗住八就八終日
搬弄是非果日 勤勤力力 形形疫疫
篩演好你自己 呢一個角色 篩演到尾 問你 點解咁落力
好似每個人都無靈魂 Repeat又Repeat
每一日都日復日 係為咗熱啲又熱啲
應付月頭月尾既每一張 Receipt又Receipt
為咗所為既康莊大道我哋一直做 一直做一直做咗十年
二十年 人生有幾多個十年
有幾多個人 有幾多個夢想從來未曾實現
最後今天 就算要離開呢個世界
幾大就幾大 呢24小時一定要活得痛痛快快
＊就到盡頭 你會點樣走
係咪會以後 去天國漫遊
定係會逗留 逐秒祈求
生死冊寫錯手 你時辰未夠＊
Repeat＊
如果你知生命只係得番24小時
你想你既故事重新開始 定你覺得係一件小事
沒所謂 反正獲得留低等時間流逝
定係襯離開人世 之前留低一番作為
諗住閂埋房門攬住啲動漫對足電腦一晚
定係打開窗睇多一眼個世界幾咁燦爛
你仲係最關心邊位天王天后結婚
定係你突然想睇真從來唔上心既父親母親
再肉麻 既說話 唔使再放係心
想辱罵盡情去罵 唔使再怕手尾跟
你會揾你愛人卿卿我我 聽聽風看海
定係 輕輕的我走了 正如我輕輕的來
自己避開 自己離開 唔使人地為我默哀
定係要公開為你比我既愛講聲唔該
揾朋友 飲下酒歡送我就黎走
定係 能夠揾到位真正朋友係最後聚首
(最後最後) 要死有幾奇 人生好比場嬉戲
唔捨得你地陪我走到黎 (沒期沒期)
床邊好多親朋收到啲慰問 帶走好多遺憾
再生為你維生 來生係咪咁 (好奇好奇)
我可以犯法 所有罪冇畏懼
但係冇辦法抹走為我流既 (眼淚眼淚)
好似一個Raper 突然變啞 淨底一堆說話同埋24個Bar
Repeat＊＊
7. Old School Days
作曲: Clarence Au
填詞: C Kwan & 6 Wing
編曲: Clarence Au
監製: Edison Chen
Hey 我會永遠永遠記得你 使乜鬼喊又縐住眉
hey... 我會永遠永遠記得你 長氣 唔見唔死
再見啦喂 舊同學你咪太掛住我 掛到好choc
Grad-din過得好快 謝過師宴講聲Bye Bye
掉個頂四方帽 以後你我佢再會去邊到
大家依然會係咁freind 定係過多幾年你唔記得我叫乜嘢名
曾經坐係邊個位 成班老鬼上裝到落裝賴嘢
為個掃 我地大家領嘢 無瞓過幾個漫漫長夜
你女友今夜點解咁嗲 想屈蛇都得嘅 留底個房門理你攪乜嘢
Hey 我會永遠永遠記得你 使乜鬼喊又縐住眉
Hey... 我會永遠永遠記得你 長氣 唔見唔死
我永遠會記住你地 班房嘅嘢食最美味
終竟你鍾意過隔離Why個果美媚 ok
或者今日起後會無期 可能有日係七記撞番你
撞岩你 攰攰地 我地又霉霉地 想夢或者落空
做大咗先知乜嘢係痛 但係你講過 (大個唔要似第二個)
你講過 你老婆要似蒼井空 最驚長大仲係無用
講分西與東 返乜嘢工 使乜咁介意 揾揾我去發嗡風
Hey 我會永遠永遠記得你 使乜鬼喊又縐住眉
Hey... 我會永遠永遠記得你 長氣 唔見唔死
最驚去聽中學時期嘅回憶 最freind 個freind 中學時期會認識
頭髮長到落博頭剪晒剪晒 條裙短過膝頭問你點解點解
最驚去聽中學時期嘅回憶 最freind 個freind 中學時期會認識
又比我立頭扁晒扁晒 打鐘你轉頭閃晒閃晒
最驚去聽中學時期嘅回憶 最freind 個freind 中學時期會認識
記得個教授佢猛咁教 記得我食飽就猛瞓覺
可能畢業之後各自飛 可能出黎聚舊會講是非
可能太多嘢你都已經記唔起 但係記得我永遠記得你地
Hey 我會永遠永遠記得你 使乜鬼喊又縐住眉
Hey... 我會永遠永遠記得你 長氣 唔見唔死
8. 窮得只剩錢
作曲: Clarence Au
填詞: C Kwan & 6 Wing
編曲: Clarence Au
監製: Edison Chen
＊窮窮窮 窮到穿褲窿
你窮窮窮 窮過啲富翁
窮到燶 邊個懂 邊兩種
真正係窮窮窮 窮到穿褲窿
你窮窮窮 窮過啲富翁
窮到燶 邊個懂 邊兩種 真正係＊
一起身早餐要慳 慳夠幾蚊得幾蚊 加薪升職免問
唉 迫巴士迫港鐵 迫迫到我忟
點解有人有司機我食塵
一起身苦惱要點樣醫 醫肚
望到每晚隔離餓死幾個細路
即刻去做 即刻去到垃圾站尋寶
想知道 煎蛋拼火腿到底乜野味道
Repeat＊
咁快到晏晝 正要瞓晏覺
盡量淨係食 淨係淨係食包 想飲Wine
Dap兩頭鮑 見過我老細吔野吔趣怪
日日食飯就係盡量大量淨底
好想有朝 好似 佢咁威
晏晝就到 都算幾好
比我執到幾個癲佬幾塊紙皮 唔使吔樹皮
可惜天口慶 慶到死 無屋企瞓 瞓響地
我好想有日 試到乜野係涼冷氣
＃窮窮窮 窮到穿褲窿
你窮窮窮 窮過啲富翁
窮到燶 邊個懂 邊兩種
真正係窮窮窮 窮到穿褲窿
你窮窮窮 窮過啲富翁
窮到燶 邊個懂 邊兩種 真正係窮＃
終於我揾到個錢去旅行
去深圳幾大揾番個人鬆鬆我條根
正當我輕鬆過後 輕撫褲後袋
唉點解我一生冇運
夜晚黑 出去都市兜兜
做個小偷 最緊要爽手
前面望見有位先生佢走過 即刻走去偷
我即刻偷咗部手機唔知到點用
換到錢至知道好用
係咪要注定一世都好天空黑過黑洞
Repeat＃
9. 娛樂圈殺人事件
作曲：Jack Splash
填詞：6 Wing / C Kwan
編曲：Jack Splash
監製：6 Wing / C Kwan
＊即刻開始聽真啲 農夫兩個MC死咗嘅事
佢哋泉下有知 講幾隻字 喺娛樂圈你死你事＊
以前邊有人識得農夫係乜
但係有人識噏 農夫係得
今日我賣得 你又話我變質
我唔講得太露骨 我怕從此絕筆
得得得 駛乜咁多原則 最緊要咪亂噏
要我做乜就做乜 直到導演嗌cut
做小丑又得 唔怕一萬唔怕萬一
話我肉酸 又話我核突
但係呢個係事實 我高過你 我人工高過你
我去拍戲等十幾粒鐘等到懵 拍十幾分鐘
最後成條片都冇用 輕輕鬆鬆收工
你點會輕輕鬆鬆得過我 我寫過好多廣告歌
順順利利起貨 又話寫得唔錯
仲可以plug埋plug埋當一首新歌
你寫廣告歌你不如拍廣告 啲廣告商爽到冇乜嘢畀我做
冇排過舞 又話我跳到 只需要笑到好似燒壞腦
＃到你發現其實你慣晒 入娛樂界當你貨物賣
你積埋積埋覺得冇古怪 即時certify＃
Repeat＊＊
繼續繼續 最好做音樂節目
唱半首歌係直播 唔駛再錄
冇錯 唱錯歌詞都唔駛NG 走音又冇人知
點解呀 我啲歌都無key
做商場show咪仲好 嗰度鬼殺咁嘈
有時我一句都冇唱到 佢哋都完全聽唔到
做大學show咪仲過癮 一出場佢哋就興奮
有時我諗大學生可能從來無見過人
哇 咁你要返上去行吓
吓 我都唔識唱普通話
唔駛架 只要你郁一郁咋
佢哋就「嘩」 直頭變咗劉華
係 如果要計出埠做嘢最盞鬼
出出入入都係頭等機位
咁又係 間酒店房裝得落我間屋咁滯
我諗過住足一世 以後都唔返嚟
Repeat＃＊＊
去咗陰間 我都可以翻生
帛金都慳返 咸魚都可以反彈
去咗陰間 我都可以翻生
帛金都慳返 咸魚都可以反彈
去咗陰間 我都可以翻生
帛金都慳返 咸魚都可以反彈
去咗陰間 我都可以翻生
帛金都慳返 咸魚都可以反彈
10. O'Fama
作曲: Jack Splash
填詞: C Kwan & 6 Wing
編曲: Jack Splash
監製: Edison Chen
