作曲：余震東
填詞：余震東
編曲：余震東
監製：Doughboy / 余震東

若未來是五官的神情　就用自由做眼睛
望著路途亮與黑也高興　Oh
現在原是最好的年華　就盡全力愛吧
誰在注目　凝望你嗎　如畫　那樣美麗無瑕

第一次惦到結他嘅弦線　永遠記得嗰一年　
就係我愛上音樂嘅起點　第一次被音樂感動到淚流滿面
我話我要玩一世嘅音樂　做一輩子熱血青年
鏡頭一閃一轉　一轉眼話咁快就十幾年
我竟然企咗喺街頭表演　
一路彈一路唱　一路望住擦過身邊嘅男男女女　匆匆趕趕
多謝你放低嗰廿蚊　令我今晚夠錢食到碗麵
音樂　令我富有
富有　到我餐餐食麵包都唔覺得自己可憐
做音樂　經歷無數嘅失落得到無數嘅歡樂
我嘅喜怒哀樂都離唔開音樂
就算俾我重頭選擇　我仍然想一世都做音樂

我要用我嘅人生寫滿最真實嘅歌
用我嘅歌將希望帶到唔同角落
我想你記得我　我想你相信　有夢想係無錯

若自由是最輕的雲霞　問問被誰摘過嗎
願望是留在掌心吻一下　Oh
現在原是最青春年華　就盡情地愛吧
留樹蔭下　來共舞嗎　時光　這樣美麗無瑕

你過緊邊個想你過嘅生活
你扮演緊邊個想你扮演嘅身份
你為咗夢想可以去到幾盡
俾我六條弦線八十八個琴鍵
有錢無錢同我人生無任何關聯　嘿
我唔係最有天份　但係無音樂就無人生
打人生每場戰爭　音樂係我嘅醫生
跌低一次　跌低兩次　嘿
見到自己滿身傷痕　我特別興奮
每一次　當我意志消沉
每一次　當我唱到信心盡失
每一次　我再重新認真向自己審問
放棄可以有千百個藉口
但令我企番起身就只有一個原因
每一次當我唱出自己創作嘅句子
每一次當我隻手掃落結他嘅弦線
每一次當我支筆押韻出一段段一段段歌詞
每一次我都知道我係屬於音樂　所以我必須繼續堅持

每踏出一步我都睇唔到下一步
但睇番每一步我已經行出屬於我嘅路
用我嘅腳步打造出我嘅夢想號

每踏出一步我都睇唔到下一步
但睇番每一步我已經行出屬於我嘅路
用我嘅腳步打造出我嘅夢想號